💫✨એક્ટિવિટી💫

વિજ્ઞાન ચિત્ર બુક 🧑‍🎨🖼️🎨🖍️🖌️🗒️

          આકૃતિઓ એ વિજ્ઞાન વિષયનું હાર્દ છે. પરિવહનતંત્ર હોય કે હૃદયની આડો છેદ, અમીબામાં વિભાજન હોય કે પેરામિશિયમ જેવાં એકકોષી સજીવો, દેડકાનું જીવન ચક્ર હોય કે ભૂમિના સ્તરો, વનસ્પતિના વિવિધ અંગો હોય કે પરાગનયન ની ક્રિયા, ફલનની ક્રિયા હોય કે મનુષ્યનું પાચનતંત્ર...... વગેરે આકૃતિઓ વિજ્ઞાનની વિવિધ સંકલ્પનાઓને સહજ રીતે બાળકોમાં આત્મસાત કરવાં ખૂબ જ મહત્વની હોય છે. તો એ આકૃતિઓને જો આપણે કોઈ  આનંદદાયી પ્રવૃત્તિ દ્વારા બાળકોને સમજતા અને યાદ રાખતા શીખવીએ તો વિજ્ઞાન તેમના માટે ખૂબ જ સહજ અને સરળ થઈ જશે. વિજ્ઞાનનાં ચોપડાના પાછળનાં વધેલા ત્રણ ચાર પાનામાંથી ત્રણ ચાર ગડી વાળીને, ઉપરથી સહેજ કટ કરી ઓપોઝિટ સાઈડ કાગળના ટુકડા દબાવી નાનકડી વિજ્ઞાન વિષયની ચિત્ર ડાયરીઓ તૈયાર કરાવી શકાય. જેમાં આખી ચોપડીના મહત્વના ચિત્રો ટીક કરાવી બાળકોને દોરવા આપી શકાય. આવો જે પ્રયત્ન મેં પણ મારા વર્ગમાં કર્યો ખૂબ જ ઉત્સાહપૂર્વક બાળકો એ વિજ્ઞાનની આકૃતિઓ દોરી અને ખુબ સરસ ડાયરી તૈયાર કરી.

મિત્તલ પટેલ

સાંપા પ્રાથમિક શાળા

દહેગામ, ગાંધીનગર