સુંદર સુંદર સપનું મારું.......(બાળગીત)

સુંદર સુંદર સપનું મારું….
       મસ્ત મજાનું સપનું…
ખુલ્લી આંખોથી જોવાતું…
      આ મસ્ત મજાનું સપનું…
પવનની હું તો આંગળી પકડી…
      ઝાડવે ઝાડવે દોડું….
ચકલી,કબૂતર ,હોલા …આવે…
        રેસ લગાવી ને દોડું……
મધમાખી બનીને હું તો…
      મધપુડામાં ચોટુ…..
મધ મળે છે મસ્ત મજાનું…
       આગળીએ આંગળીએ ચાટુ….
કાબર થઈને કલબલ કરું…
         તોય જરાય ન થાકુ….
વરસાદમાં હું મોરલો બનીને….
       થા-થા,થૈ-થૈ …નાચુ……
સુંદર સુંદર સપનું મારું…
      મસ્ત મજાનું સપનું….
ખુલ્લી આંખોથી જોવાતું…
     મસ્ત મજાનું સપનું…
          
           મિત્તલ પટેલ
            “પરિભાષા”