આવ એ વરસાદ……..[બાળગીત]

આવ આવ આવ આવ….
          આવ એ વરસાદ….

ઝરમર ઝરમર થઈ…
         મને પલાળ  એ.. વરસાદ….

નદીમાસી નદીમાસી સૂકાઈ બહું ગ્યાં છે…
કૂવામામાનાં તળિયા બહું ઊંડે ઊંડે ગ્યાં છે…

રજવાડું રજવાડું લાગે……..
             આવે તો વરસાદ….

સૂનું સૂનું આભલું લાગે…
         ન આવે તો વરસાદ…..

રુમઝુમ રુમઝુમ ઝાડવાં નાચે…
        વરસ તું વરસાદ…

ખેતરે છોડવાં વાટ જુએ…
         ઉગાડ એ વરસાદ…..

આવ આવ આવ આવ…
     આવ એ વરસાદ…..

ઝરમર ઝરમર થઈ….
       મને પલાળ એ વરસાદ

                    મિત્તલ પટેલ
                     ”પરિભાષા”
                     અમદાવાદ

સુંદર સુંદર સપનું મારું.......(બાળગીત)

સુંદર સુંદર સપનું મારું….
       મસ્ત મજાનું સપનું…
ખુલ્લી આંખોથી જોવાતું…
      આ મસ્ત મજાનું સપનું…
પવનની હું તો આંગળી પકડી…
      ઝાડવે ઝાડવે દોડું….
ચકલી,કબૂતર ,હોલા …આવે…
        રેસ લગાવી ને દોડું……
મધમાખી બનીને હું તો…
      મધપુડામાં ચોટુ…..
મધ મળે છે મસ્ત મજાનું…
       આગળીએ આંગળીએ ચાટુ….
કાબર થઈને કલબલ કરું…
         તોય જરાય ન થાકુ….
વરસાદમાં હું મોરલો બનીને….
       થા-થા,થૈ-થૈ …નાચુ……
સુંદર સુંદર સપનું મારું…
      મસ્ત મજાનું સપનું….
ખુલ્લી આંખોથી જોવાતું…
     મસ્ત મજાનું સપનું…
          
           મિત્તલ પટેલ
            “પરિભાષા”

https://m.facebook.com/story.php?story_fbid=2487987617925301&id=100001422602254

કૃષ્ણાવતાર...

એક સુક્ષ્મ ચિનગારીનો…
      અજવાસ છે બાળ….

ઈશ્વરનો માણસ પર ..
      હજી વિશ્વાસ છે બાળ…

ગીત ગાતું હોય તો …ગાવા દેજે  એને…
હસતું રમતું હોય તો રમવાં દેજે એને…

વ્યવહારિકતાથી પરે…એક..
      સારસ્વત છે બાળ…
ગુરુ વિના જ વિદ્વાન..
       એક પયગબર છે બાળ….

સુખ અને દુઃખથી સાવ અજાણ….
       નિજાનંદની એક મિશાલ છે બાળ….

અશ્રુ ને નુછી તરત ..
      હસવાં માંડવું સિદ્….
પડતાં વાગે તોય…
      ફરી રમવાં માંડવું સિદ્…

સહજતાથી જીવંત રહેતા..
       શીખવી જતુ…કૃષ્ણાવતાર છે બાળ….

               મિત્તલ પટેલ
               “પરિભાષા”

પુર્વાભાસ પોતાનો…
      એ અવાજની પાછળ…
કંઈ અમથો નઈ હોય..

સવાલ જવાબ વગરનો …
        એ સંવાદ…
કંઈ અમથો નઈ હોય….

વાંછટ આવે નહી …
     તોય.. છાંટા સુકાય નહી....
એ….તડકાનો વરસાદ…
     નિરાધાર…..
કંઈ અમથો નઈ હોય….

                    મિત્તલ પટેલ
                    “પરિભાષા”

હું મસ્ત મજાનું બાળ..

હું મસ્ત મજાનું બાળ ,
     મને રમવાનું જોઈએ…

ચાંદા સૂરજ સંગ મને,
        ભમવાનું જોઈએ…

પતંગિયા પેઠે આમતેમ …
        ઉડવાનું જોઈએ…

હું મસ્ત મજાનું બાળ,
        મને રમવાનું જોઈએ..

છાનું માનું બેસું તો,
       કરમાઈ જાઉં હું….

ધમાલમસ્તી કરું તો,
         ખીલી ખીલી જાઉં હું…

દેડકાંની પેઠે મને ,
       કુદવાનું જોઈએ….

હું મસ્ત મજાનું બાળ,
     મને રમવાનું જોઈએ…

ચોપડાં ને ટ્યુશન માં
        ડબોચાઈ જાઉં હું…

ભણતરનાં ભાર થી
          નમી નમી જાઉ હું….

ખડખડાટ ફુલ સમ,
          હસવાનું જોઈએ….

ખુલ્લાં મને ભાર વગર ,
ભણવાનું જોઈએ….

            મિત્તલ પટેલ
            “પરિભાષા”

   

સમ-વેદનાં વેદ....

આમ જુઓ તો
       સઘળું તારું એ મારું છે…
મારામાં તારું ,પણ ક્યાં તારામાં મ્હારું છે…!!

વિનવી શકાય પણ,
        ન છેતરી શકાય જાતને…..
સારું એ જ મારું પણ “મ્હારું”ય ક્યાં સારું છે…..!!

ગુણોત્તર ગુણીને જવાબ લાવી દઈએ..
ચલ તારાં હાથે જ આજ નિકાલ લાવી દઈએ..

આમ જુઓ તો સીધા રસ્તે
             રસ્તોય ક્યાં સીધો છે….
વળાંકોમાં વળાંક ..ને..
               એ  વળાંકમાંય હા વળાંક છે…!!

સમ-વેદનાં વેદ ભરી રાખી છે
                  એક વાડકી…
સ્વાર્થની આ થાળીમાં તે વાડકીને ક્યાં ભાળી છે..!!

                                             મિત્તલ પટેલ
                                              “પરિભાષા”