મિતલ પટેલ : October 2024

Thursday 31 October 2024

" ગાંધીનગર સમાચાર " 🗞️📰દૈનિક અખબારમાં મારી રેગ્યુલર કોલમ "પમરાટ"નો લેખ......

તા: 30/10/24 બુધવાર🌿🌼🎋✍️📃

Monday 28 October 2024

💫" મારાં જીવનનો અદ્ભુત અને અવિસ્મરણીય દિવસ"💫

મારાં બે પુસ્તકોનો

"પુસ્તક વિમોચન કાર્યક્રમ"

(1) શિક્ષક- એક ધરોહર 💫

(2) પ્રેરણા - એક ઉદ્દીપક💫

અદ્ભુત મહાનુભાવો વચ્ચે,અદ્ભુત આધ્યાત્મિક ભાવાવરણમાં, SGVP કેમ્પસ "દર્શનમ્" સંસ્કૃત મહાવિદ્યાલયની પવિત્ર ભૂમિ પર આ સુંદર ઉપક્રમ, યાદગાર સ્મૃતિના ઉપવન બનીને સંપન્ન થયો.ચિલ્ડ્રન યુનિવર્સિટીના એસ્ટાબ્લિશમેન્ટ હેડ અને બાળવિશ્વ મેગેઝીનના તંત્રી એવા ડો. કૃણાલ પંચાલ જેમને "શિક્ષક- એક ધરોહર" પુસ્તકના સુંદર ચરિતાર્થ અને તેનામાં રહેલ શ્રેષ્ઠતત્વને શ્રોતાવર્ગ આગળ સંપૂર્ણપણે ઉજાગર કરીને બતાવી દીધો. શ્રી નટવરભાઈ પટેલ જે નિવૃત્ત અધ્યાપક, બાળસાહિત્યકાર અને "ધરતી" માસિકના સહતંત્રી પણ છે તેમજ તેમના ૩૦૦ પુસ્તકો પ્રકાશિત થઈ ચૂક્યા છે તેમને બંને પુસ્તકોને આંગણે શબ્દોરૂપી તોરણ બાંધીને ખૂબ ઉમંગથી વધાવ્યા... દીપકભાઈ તરવૈયા"ઉદ્દીપક" જેમણે "પ્રેરણા-એક ઉદ્દીપક" પુસ્તકના પ્રેરણાતત્વને દર્પણની જેમ શ્રોતાવર્ગ સમક્ષ તાદ્રશ્ય કરી દીધું. ગાંધીનગર જિલ્લાના જિલ્લા પ્રાથમિક શિક્ષણાધિકારીશ્રી પિયુષભાઈ પટેલ સરે કાર્યક્રમના અંત સુધી હાજરી આપીને અને શબ્દભાવથી મારા પુસ્તકોને વધાવીને તેનું મૂલ્ય વધારી દીધું... કાનજીભાઈ મકવાણાએ બંને પુસ્તકોનાં સુંદર અને અદ્ભુત એવાં કવરપેજ તૈયાર કર્યા છે. જાણે પુસ્તકના મર્મને ચિત્ર સ્વરૂપે આકારી લીધો હોય તેવુ ભાસે...!! જો એ ચિત્રોને ધ્યાનથી નિરખો તો અલગ અલગ ભાવ ઉપસે...!!

Zcad publicationના મનીષભાઈના સુંદર આયોજન હેઠળ, શ્રેષ્ઠ શ્રોતાગણ વચ્ચે આ કાર્યક્રમ સંપન્ન થયો. તેનો અનહદ આનંદ અને આત્મ સંતોષ...😊